Андрей Курбский, князь, (1528 -1583), активный участник взятия Казани

И по сем, аки по трех днех, повелел царь наш итти тому княжати Александру Суздальскому с тем же войском на засеку, яже были бусурманы сооружили стену, между великими блаты, на горе единой, аки 2 мили от места, идеже паки, по разбежанию оном, собрашася множество их, и умыслиша оттуду, аки из града единаго выезжаючи, паки ударяти на войско християнское. И к тому еще, ко оному предреченному гетману придано другаго гетмана, а по их великого воеводу, с полки его, именем князя Семена Микулинского, с роду великих княжат Тверских, мужа зело храбраго и в богатырских вещах искуснаго; и дано им повеление таково: аще им бы Бог помогл оную стену проломити, да идут всем войском аж до Арского города, который лежит от Казани дванадесять миль великих. Егда же приидоша ко оной стене, опрошася бусурманы и начата бранитися крепце, аки на две годины биющеся; потом, за Божиею помощию, одолеша их наши, яко огненною стрельбою, так ручною, и побегоша бусурманы; наши жь гонили их. Егда же препроводишася все войско великое за оную стену, и оттуду цареви нашему с сеунчем послали; а тамо наше воинство об нощь пребыло и обретоша в шатрех и в станех бусурманских не мало корыстей⁷⁵³; и приидоша, аки за 2 дни, до онаго предреченнаго града Арского и обретоша его пусть покинен, от страха бо избежаша из него все, страха ради, в далечаишие лесы. И плениша тамо в земли оной аки 10 дней, понеже в земле той поля великие, и зело преизобильные и гобзующе на всякие плоды; тако же и дворы княжат их и вельможей зело прекрасны и воистинну удивлению достоини, и села часты; хлебов же всяких такое там множество; воистинну вере ко исповеданию неподобно: аки бы на подобие множества звезд небесных; тако же и скотов различных стад бесчисленныя множества, и корыстей драгоценных, наипаче от различных зверей, в той земли бывающих; бо тамо родятся куны дорогие, и белки и протчие зверие ко одеждам и ко ядению потребны; а мало за тем далей соболей множество, такожде и медов: не вем, где бы под сонцем больши было. И по десятих днех, со бесчисленными корыстьми и со множеством плену бусурманских жен и детей, возвратишася к нам здраво, тако же и своих древле заведеных многих от бусурман свободиша от многолетныя работы. И бысть тогда в воинстве християнском велия радость и благодарение к Богу воспевали, и так было танеи в войску нашем всякие живности, иже краву куповано за 10 денег Московских, а вола великого за 10 аспр.

Скоро по возвращению онаго войска потом, аки по четырех днях, собралося Черемисы Луговыя не мало, и ударили на наши станы задние, в Галицкие дороги, и не мало стад коней наших отграмили. Мы же абие послали в погоню за ними 3 ротмистров, и за ними других посылочные полки во устроению, засады ради; и угонено их в трех, або в четырех милах, и овых избиша, других живых поимаша.

А естьли бы писал по ряду, яко тамо под градом на кождыи день деялось, того бы целая книга была. Но вкратце сице воспомянути достоит, яко ани на войско христианское чары творили и великую плювию⁷⁵⁴ наводили: яко скоро по облежанию града, яко солнце начнет восходити, взыдут на град, всем нам зрящим, овопристаревшися их мужи, ово бабы, и начнут вопияти сатанинские словеса, машуще одеждами своими на войско наше и вертящеся неблагочинне. Тогда абие востанет ветр и сочинятся облаки, аще бы и день ясен зело начинался, и будет такии дождь, и сухие места в блать обратятся и мокроты исполнятся; и сие точию было над войском, а по сторонам несть, но точию по естеству аера случишася. Видевше же сие, абие советоваше цареви послати по древо спасенное до Москвы, яже во крест вделано, который всегда при царском венце лежит. И сбегано, за Божиею помощию, зело скоро, водою до Новаграда Нижнего, аки в 3, або 4 дни, Вяцкими, зело скоро плавающими кораблецы, а от Новаграда аж до Москвы прудкошественными подводами. Егда же привезен честный крест, в немже частка вделана спасеннаго древа, на немже Господь наш Исус Христос плотию страдал за человеки, тогда прозвитеры соборне, со церемониями християнскими, обхождения творяху, и по обычаю церковному освятиша им воды, и силою животрящаго креста абие от того часа ищезоша и без вести быша чары оные поганские.