Андрей Курбский, князь, (1528 -1583), активный участник взятия Казани

Егда же приидоша во град внезапу так много воинства свежего, в пресветлые зброи оболченнаго, абие царь Казанский со всем воинством начаша уступовати назад, обаче броняшеся крепце; наши же по них неотступно крепцеи находяще, секущеся с ними. Егда уже погнаша их аж до мечетей, яже близу царева двора стоят, абие изыдоша во сретение наших абазы их, сеиты, молвы, пред великим бискупом их, а по их с великим анарыи, або амиром, имянем Кулшериф-молвою, и сразишась с нашими так крепце, аж до единаго избиша их. Царь же со всеми остатними затворился во дворе своем, нача бранитися крепце, аки еще на полторы годины биющеся. Егда же видев, яко не возможе уже помощи собе, тогда на едину сторону отобраша жен и детей своих, в прекрасных и в преиспещренных одеждах, около 10 000, и сташа на единой стране великого предреченного двора царева, уповающе, иж прельстятся войско християнское на красоту их и живити их будут. Сами же Татаровя со царем их отобрашесь во един угол и умыслиша не датися живым в руки, точию бы царя живаго соблюсти; и поидоша от царева двора на дальную сторону места к нижайшим вратом, идеже аз сопротив их у царева двора стоях, и не остало уже было со мною 150 воинов, а их еще оыло о 10 000; обаче, тесноты ради улицы, бронились есмя им, отходяще и опирающеся, крепце. Наше же войско великое з горы оные да потиснуша их зело, паче же задний конец Татарского полку, секуще и бьюще; тогда едва с великою нуждою, за Божиею помощию, изыдохом из врат градцких. Наши же с великие горы крепце належаще, тиснуша их, нам же об ону страну стоящим, во вратех биющеся, не пущающе их из града; уже бо нам на помощь 2 полка християнские приспеша. Им же так тиснушася неволею, великого ради належания з горы, иже с вежею высокою равно, яже надо враты бяше, полно трупия их лежаше; средним же и задним людем аж по людем своим идуще на град и на вежу. Егда же возведоша царя своего на вежу, тогда начаша вопияти, просяще малого времяни на розмову⁷⁵⁶; мы же, мало утишився, послушавше прошения их. Они же абие сице реша, глаголюще: «Поки, речи, а юрт стояше и место главное, идеже престол царев был, потыя ж до смерти броняху же за царя а отечество; а ныне царя вам отдаем здрава: ведете его ко царю своему. А отостаток нас исходим на широкое поле испити с вами последнюю чашу». И отдаша нам царя своего⁷⁵⁷ со единым корачом, што наибольшим их, и со двема имилдеши⁷⁵⁸- Царю их было имя бусурманское Идигер, а князю оному Зениеш. И отдав нам царя здрава, по нас абие стрелами, а мы по их. И не поидоша на нас во врата, но абие поидоша с стены просто Через Казань реку, и хотяше пробитися, прямо против моего стану, на шанцы теми дирами, идеже 6 дел великих стояло.

И абие по них ударено иза всех тех дел. Они же воздвигошася оттуду и поидоша налево вниз, водле Казань реку, берегом, аки 3 перестрелы лучных, и по конец шанец наших; тамо сташа и начаша лехчитися и метати у себя зброи и розувати себя, ко бредению реки, еще бо бе их остал полк, аки 6 000, або мало мнеише. Мы же видевши сие, мало нас нечто добыша собе коней от своих станов за реку, и так, седши на свои кони, устремишася скоро сопротив их и заступиша им путь, имже хотяху пойти. И обретоша еще их не пришедших через реку, и собрашася нас сопротив их мало что оолыни 200 коней, бо зело скоро сия случишася, понеже что остало войска сколько, об ону сторону места, при царе было, паче же мало не все во граде уже. Абие жь они, предбредши реку (бо мелка была в том месцу, по их сщастью), зжидатися начаша на самом брегу, ополчающесь, готови суще ко сражению, с различными броньми, паче же мало не все со стрелами, и уже на тетивах луков стрелы имуще. И абие начаша мало от берегу подвигатись, учиня чело не малое, а за ними всем идущим, вкупе, зело густо и долго, аки 2 стреления не малые лучных, по примете. Християнского ж войска множество бесчисленное на стене града, токо же с палат царским зрящим, а помощи нам, стреминны для великия и зело прикрые горы, никако же возмогоша подати.