Ләйсән ӘСӘДУЛЛИНА
Инде хәбәр иткәнебезчә, 25 ноябрьдә Ырымбурда "Россия кыйммәтләре системасында Муса Җәлилнең батырлыгы һәм рухи мирасы" темасына фәнни-гамәли конференциясе узачак. Әлеге чара Муса Җәлил тууына 100 ел тулуга багышлана.
Бөтендөнья татар конгрессы Башкарма комитетыннан хәбәр ителгәнчә, әлеге конференцияне оештыручылар - өлкә хакимиятенең милләтләр эшләре һәм дини оешмалар белән элемтәләр буенча Комитеты, М.Җәлил исемендәге Ырымбур халкы тарихы Институты, татар халкы милли-мәдәни мохтәрияте, Россия халыклар Ассамблеясе.
Конференциядә:
- Ырымбур - Муса Җәлилнең туган ягы;
- Муса Җәлилнең тормышы һәм иҗаты;
- Муса Җәлил шигърияте һәм аны XXI гасырда өйрәнү;
- Россия кыйммәтләре системасында Муса Җәлилнең батырлыгы;
- Татарларның Бөек Ватан сугышында каһарманлыгы;
- Муса Җәлил турындагы хатирәләр һәм язмалар;
- Иҗтимагый оешмалар эшчәнлегендә Муса Җәлил истәлеген мәңгеләштерү;
- Муса Җәлил әсәрләренең яшьләрдә ватанпәрвәрлек хисләрен тәрбияләүдәге роле кебек темалар каралачак.
Intertat.ru | 
