Роберт Миңнуллин. "Көз. Казансу. Моңсу..."

Пляж калган салкынаеп,
Шыксызланып, серәеп.
Табигать калган сагаеп,
Агачлар - сирәгәеп...

Узып бара кара бер эт -
Көзге эт тә өшәнгән.
Сары комга сары яфрак
Тушәк булып түшәлгән.

Ямансулык - күңелемдә,
Моңсулык - көз илендә.
Шәп-шәрә агачлар гына
Басып калган биредә...

Казансуга карый ал ар,
Тик күрмиләр үзләрен.
Казансу көзге иде лә,
Аеруча көзләрен...

Үзләрен күрмәс шул алар -
Казансудан качкан су,
Язын гына тулышкан су,
Кайчан гына ташкан су...