Айдар Хәлим. "Казан - Бакчасарай - Истанбул" (җыр)

Кайсы яктан, кайсы тарафлардан
              гөлбакчалар хуш ис бөркиләр?
Хуш ис бөркиләр.
Алтайлардан Әдрән диңгезгәчә
              җир тетрәтеп үтә төркиләр.

Кушымта: Казан - Бакчасарай - Истанбул.                    
                И - и - и,                    
                Истә булмый диме, истә ул.

Алтайлардан Әдрән диңгезгәчә
               җир тетрәтеп үтә төркиләр,
Үтә төркиләр.
Җәйләүләрне бергә җәйлик диеп
                төркиләрем куллар селкиләр.

Кушымта: Казан - Бакчасарай - Истанбул. 
                И - и - и,
                Истә булмый диме, истә ул.

Кул селки төркиләр тарихлардан     
                күрешик дип уртак нигездә.
Мин бүгеннән юлга чыгар идем,
                басылганмы давыл диңгездә?

Кушымта: Казан - Бакчасарай - Истанбул.
                И - и - и,
                Истә булмый диме, истә ул.
                      
                                             12 август, 1996 ел

Сәйдә Вәлиди музыкасы